Boa tarde colegas, hau hakarak fahe oituan konaba termu husi lian Tetun nebe ita nia maluk sira husi Municipio Oecusse uja ba konversasau...
Boa tarde colegas, hau hakarak fahe oituan konaba termu husi lian Tetun nebe ita nia maluk sira husi Municipio Oecusse uja ba konversasaun loron-loron nian. La iha intensaun atu ofende ba iha parte ruma, maibe hakarak diverte no promove ita nia lian rasik. Deskulpa karik iha maluk balun la simu, maibe liafuan sira ne’e hetan husi kolega sira husi Municipio Oecusse rasik.
Termu nebe bain-bain ita rona mak:
- Etu molik = etu tanan sem modo. (Ex. “Ami modo laiha, ami han etu molik deit”).
- Kanuru nakles = garfu. (Ex. “Maun, bele ajuda fo kanuru nakles ida mai hau ka?”).
- Sanan nia odomatan = sanan matan. (Ex. “Maria, tein etu keta haluha taka sanan nia odomatan!”).
- Manu nia domin = Manu nia fuan. (Ex. “Doutor dehan ita tenki han manu nia domin mak barak, hodi hadok ita husi moras riins”).
- Manu nia la’o = Manu nia ain. (Ex. “Da’an manu karik keta haluha manu nia la’o”).
Mak ne deit liafuan sira nebe’e hau hetan no rona, hau sei update/atualiza tutuir karik hau hetan liafuan foun.
Sei iha historia badak komik husi municipio sira.
Stay Tuned
